skip to main |
skip to sidebar
23:32
The King
No comments
Ditanda hamu na do pohul-pohul ?
Somalna, di Silindung dohot humaliang, pohulpohul dibahen halak gabe boanboan ditinggki marune angkaup ni dengke.
...
Ia filsafat ni pohulpohul i tar songon on do :
Molo naeng pauli pohulpohul iba, pinohul jala pinisat do itak i gogo dohot tangan; jadi gabe laos lohot ma tusi gombaran (bogas) ni jarijari na lima i. Simbol do i na paboahon : tung songon na masipisatan pe pangkilalaan dohot pangkataion ditingki na marhata dohot na padalanhon adat ni parbagason ni anak dohot boru alai ianggo tujuanna na padimposhon partuturan i do dohot pabagas holong ni roha, suman tu pohulpohul i na gabe dimpos disi pinohul jala pinisat.
Ia bogas ni jarijari na lima i dimbol ni bilangan % do i. Lima do partingian namarlapatan di angka ompunta na jolo, na ginoarna "hatiha silimalima" ima :
1. poltak ni mata ni ari
2. pangului
3. hos ni ari
4. gulung ni ari (pukul 3)
5. bot ari
Laos lima do alamat ni roha ni patangta ima :
1. parbidaon
2. parbinegean
3. parnianggoan
4. pandaian
5. pangkilalaan
Jadi tujuan ni bogas ni jarijari na 5 i, on do :
Parjolo (na mardomu tu partingkian), tung ditingki sadiharipe sian partingkian na 5 i, ndang boi lupa iba di tuturniba songon hata ni umpasa :
Madabu unte pangir, madabu hinuturhutur
Dipangului manang hos ni ari, ingkon tongtong ingoton tutur
0 comments:
Post a Comment